Өнөөдөр Японы мэргэжлийн сумо бөхийн Хару башё эхэлнэ.
Энэ удаагийн хару башёд аваргууд барилдах банцүкэ гарсан ч Какүрюү М.Ананд аварга бэртлийн улмаас барилдах боломжгүй болсныг бид мэдээлсэн билээ. /Тус мэдээллийг ЭНД дарж үзнэ үү/
Өнөөдөр башёгийн эхний өдөр дээд зиндаанд барилдах монгол бөхчүүд дараах оноолттой байна.
- Маэгашира 14 Котоеко - Маэгашира 13 Чиёошома Г.Мөнхсайхан
- Маэгашира 10 Мидорифүжи - Маэгашира 9 Хошорюү С.Бямбасүрэн
- Маэгашира 7 Точиношин - Маэгашира 6 Ичиножо А.Ичинноров
- Маэгашира 6 Тамаваши Б.Мөнх-Оргил - Маэгашира 5 Окиноуми
- Маэгашира 4 Кирибаяама Б.Лхагвасүрэн - Маэгашира 3 Шиманоуми
- Сэкеваке Тэрүнофүжи Г.Ган-Эрдэнэ - Маэгашира 2 Хокутофүжи
- Их аварга Хакухо М.Даваажаргал - Комүсүби Дайейшо
Их аварга Хакухо М.Даваажаргал Комүсүби Дайейшотой урьд нь найман удаа таарч барилдахад зургаан удаад нь давж байсан ба хамгийн сүүлд 2020 оны Нагояа башёд учраа таарахад Дайейшо давж байлаа.
