Унгар улсын Дебрецен хотноо FIBA 3x3 сагсанбөмбөгийн гурван цуврал тэмцээний сүүлийн тэмцээн болох "Europe 2020" тэмцээн өнөөдөр эхэлнэ.
Эхний хоёр цуврал тэмцээний дараагаар FIBA-гаас 3х3 багуудын дэлхийн чансааг шинэчиллээ. Дэлхийн хамгийн өндөр зэрэглэлийн шилдэг 12 багт Монгол улсын Улаанбаатар ММС Энержи баг анх удаа багтсан байна.
Өнөөдөр эхлэх "Europe 2020" тэмцээнд манай Улаанбаатар ММС Энержи баг А хэсэгт Сербийн алдарт Лиман болон Швейцарийн Луизанне багуудтай багтсан байна. Өнөө шөнө манай баг эхний тоглолтоо Улаанбаатарын цагаар 23:35 цагт Лимантай тоглох бол шөнө 1:25 цагт Луизаннетэй тоглох хуваарьтай байна.
Манай сайт уламжлал ёсоор тус тэмцээнийг шууд дамжуулан үзүүлэхээс гадна дараа өдөр нь бичлэгээр давтан толилуулах болно.
