FIBA 3x3 сагсанбөмбөгийн цуврал "Hungary 2020" тэмцээний шөвгийн 8-ын тоглолтыг шууд дамжуулан үзүүлж байна.
Өчигдөр хэсгийн тоглолтдоо оролцсон манай Улаанбаатар ММС Энержи багийнхан нэг хожиж, нэг хожигдсоноор хэсгээсээ 2-р гарч шөвгийн 8-д шалгараад байгаа билээ. Тодруулбал манай Улаанбаатар ММС Энержи баг В хэсэгт дэлхийн чансааг тэргүүлэх болсон Сербийн Нови Сад багт 21:6 харьцаагаар хожигдсон бол Чехийн шигшээ баг болох Хумполек Бернард багийг 20:15 харьцаагаар буулган авсан юм.
Яг одоо манай баг АНУ-ын алдарт Нью Йорк Харлем багтай шөвгийн 8-д тоглох гэж байна. Нью Йорк Харлем багийн хувьд дэлхийн чансааны 4-т бичигдэж буй шилдэг баг юм.
