Цар тахлын улмаас дэлхий даяар хөл хорио тогтоогдон бүх төрлийн спортын арга хэмжээнүүд цуцлагдаад багагүй хугацаа өнгөрч байна. Харин хил, хязгаар, хорио цээрээс үл хамааран тэмцээнүүдээ тасралтгүй зохион байгуулж буй нэгэн спортын төрөл бол цахим спорт юм.
.jpg)
Эцэг, эхчүүдийн ад үзэх "пс тоглоом" гэх нэршил ард хоцорч шинэ тутам хөгжиж буй цахим спортод Монгол залуус дэлхийд дээгүүр эрэмбэлэгдэх боллоо. Цахим спортын ертөнцөд Hustla нэрээрээ алдаршсан Р.Нармандах хэдхэн цагийн өмнө Монголын анхны 9000 MMR буюу чансааны өндөр оноонд хүрсэн тамирчин боллоо. Р.Нармандахын энэхүү амжилт нь Ази тивдээ ТОП-25 багтах үзүүлэлт юм. Тэрээр Сингапурын "Reality Rift" багт хүчин зүтгэж буй мэргэжлийн тамирчин бөгөөд "Dota 2" тоглоомоор дагнадаг байна. Орос эзэнтэй "Reality Rift" багт Монгол, Сингапур, Малайз, Индонез тамирчид хүчин зүтгэдэг ба тус багийн дасгалжуулагч нь Беларусь улсын иргэн бол менежер нь Вьетнам улсын иргэн байдаг аж.
