PDC буюу мэргэжлийн дартсын корпорациас зохион байгуулдаг 27 дахь удаагийн Дартсын дэлхийн аварга шалгаруулах тэмцээний шөвгийн 16 тамирчин тодорлоо.
Тэмцээн эхнээсээ маш сонирхолтой явагдаж байгаа ба 2018 оны дэлхийн аварга Английн Роб Кросс эхний тоглолтдоо Германы тамирчин Ким Хьюбречтст 3:0 харьцаагаар хожигдон тэмцээнээс хасагдлаа. Мөн түүнчлэн өнгөрсөн жил дэлхийн аваргын үзүүр түрүү, дэлхийн чансааны 4-т эрэмбэлэгдэж буй Майкл Смиф эхний тойрогт хожигдон тэмцээнээ дуусгаад байна. Харин энэ цагийн дартсын өнгийг тодорхойлж буй дэлхийн гурван удаагийн аварга Майкл Ван Гервен учраа бүрээ илүүрхэн хожсоор шөвгийн 16-д шалгараад байна.
