БНСУ-ын Чёнжү хотноо зохион байгуулагдсан 2019 оны Самбо бөхийн дэлхийн аварга шалгаруулах тэмцээнд Монгол улсын баг тамирчид амжилт дүүрэн оролцож эрэгтэйчүүд маань багийн дүнгээр хоёрдугаар байрт шалгарсан билээ. 

Манай сайт медаль хүртсэн тамирчдынхаа бүх барилдааны бичлэгийг түүвэрлэн хүргэдэг уламжлалтай.

• Дэлхийн аваргын эхний өдөр эрэгтэйчүүдийн -68кг жинд Алтан медаль хүртсэн Д.Алтансүхийн бүх барилдааны бичлэгийг үзэхийг хүсвэл энд дарна уу.
• Сүүлийн өдөр эрэгтэйчүүдийн +100кг жинд ОУХМ Д.Пүрэвдорж дэлхийн шилдгүүдийг ээлж дараалан буулган авч алтан медаль хүртсэн юм. Д.Пүрэвдоржийн бүх барилдааны бичлэгийг үзэхийг хүсвэл энд дарна уу. 

Харин өнөөдөр байлдааны самбо бөхийн төрлөөр дэлхийн аваргад үзүүрлэсэн Б.Тэнгисийн бүх тулааны бичлэгийг түүвэрлэн толилуулж байна. 

Байлдааны самбо бөхийн эрэгтэйчүүдийн -90кг жинд Женко клубын тамирчин Б.Тэнгис эхний тойрогт Чехийн тулаанч Васек Мирославтай тулалдан цэвэр ялсан юм. Улмаар хэсгийн аваргын төлөө Киргизстан улсын тулаанч Аматов Жанибектэй тулалдан шүүгчдийн саналаар ялалт байгуулж хэсгийн аварга боллоо. Алтан медалийн төлөөх тулаанд дэлхийн аварга ОХУ-ын Магомед Магомедовд ялагдан мөнгөн медаль хүртлээ. Б.Тэнгисийн хувьд өмнө нь Улаанбаатар хотод зохион байгуулагдсан "Мазаалай" холимог багийн дэлхийн цомын тэмцээнд М.Магомедовыг хожиж байсан удаатай.