Сонирхогчдын боксын залуучуудын Ази тивийн аварга шалгаруулах тэмцээн Улаанбаатар хотноо энэ сарын 10-17-ний өдрүүдэд зохион байгуулагдана. 

Монгол улсын хувьд 2007 онд эрэгтэйчүүдийн Ази тивийн аварга шалгаруулах тэмцээн, 2012 онд эмэгтэйчүүдийн Азийн аварга шалгаруулах тэмцээнийг тус тус эх нутагтаа зохион байгуулж байсан ба долоон жилийн дараа залуучуудын Ази тивийн аварга шалгаруулах тэмцээнийг зохион байгуулах гэж байна. 

Энэ удаагийн залуучуудын аварга шалгаруулах тэмцээнд 2001 болон 2002 онд төрсөн тамирчид оролцох ба өнгөрсөн жил Тайландын Бангкок хотноо зохион байгуулагдсан залуучуудын Ази тивийн аварга шалгаруулах тэмцээнээс шалгарсан тамирчид Залуучуудын Олимп болон Залуучуудын дэлхийн аваргад оролцох эрхээ авч байлаа. 

Эрэгтэй, эмэгтэй тус бүр 10 жин буюу нийт 20 жингийн ангилалд тивийн аваргаа тодруулах ба манай улсаас дараах бүрэлдүүнтэй оролцоно. 

Эрэгтэйчүүд:

• 49кг жинд Э.Сүхбат
• 52кг жинд Б.Алтантулга
• 57кг жинд Т.Энхтөр
• 60кг жинд О.Тулга
• 64кг жинд А.Жандос
• 69кг жинд Ц.Луваанжалбуу
• 75кг жинд Б.Гантулга

Эмэгтэйчүүд:

• 48кг жинд Б.Жанаргүль
• 51кг жинд А.Хулан
• 54кг жинд Б.Золжаргал
• 56кг жинд О.Есүгэн
• 60кг жинд Г.Бадмаараг
• 69кг жинд Э.Намуун
• 75кг жинд Ц.Намуун-Урсгал

Шилдэг ширэн бээлийтнүүддээ амжилт хүсэе.