Өнгөрөгч амралтын өдрүүдэд зохион байгуулагдсан 3х3 сагсанбөмбөгийн хоёр томоохон тэмцээнд манай багууд алт, мөнгө, хүрэл медаль хүртлээ. 

Тодруулбал Ази тивийн клубуудын аварга шалгаруулах “FIBA ASIA QUEST FINAL” тэмцээнд "Архангай Алтан Дорнод Тайхар" баг урамтай сайхан тоглолтыг үзүүлж аваргын цомыг өргөлөө.

Тэд ийнхүү аварга болсноор "FIBA 3x3 Jeddah World Tour" тэмцээнд оролцох эрхтэй боллоо. /Аваргын төлөөх шигшээ тоглолт: шууд дамжуулалтын бичлэгийн 6:45:00 цаг дээр/

Харин Монголын эмэгтэйчүүдийн шигшээ баг болох "Улаанбаатар Амазонс" баг тун гайхалтай хожлуудыг авсаар Тайванийн "Тайпей Бийрс" багтай финалд тунан үлдэж 18:15 хожигдсоноор мөнгөн медалийн эзэн боллоо. 

/Аваргын төлөөх шигшээ тоглолт: шууд дамжуулалтын бичлэгийн 6:25:00 цаг дээр/  

Манай шилдэг баг болох "Ulaanbaatar MMC Energy" баг Филиппин улсын Манилла хотноо "Manila Challenger" тэмцээнд дэлхийн шилдгүүдтэй өрсөлдөн мөн л урамтай сайхан тоглолтуудыг үзүүлэн хүрэл медаль хүртэж 5000$-ийн шагнал хүртлээ. 

/Хагас шигшээ тоглолт: шууд дамжуулалтын бичлэгийн 2:16:00 цаг дээр/  

Манай сайт “FIBA ASIA QUEST FINAL” болон "Manila Challenger" тэмцээнүүдийг гурав хоногийн турш шууд дамжуулан үзүүлсэн ба хэрэв та хэсгийн тоглолтуудыг нөхөж үзэхийг хүсвэл шууд дамжуулалтуудын бичлэгийг ухраан нөхөж үзэх боломжтой.