Ази тивийн шилдэг клубуудын аварга шалгаруулах "3x3 Asia Quest Final" тэмцээнийг хоёр дахь өдрөө шууд дамжуулан үзүүлж байна. 

Уг тэмцээн нь эрэгтэй, эмэгтэй ангиллаар Мальдив улсын Мэйл хотноо явагдаж байгаа байна. Эрэгтэйчүүдийн ангилалд "Архангай Алтан Дорнод" баг маань чансаагаараа 2-т эрэмбэлэгдэн В хэсгийг тэргүүлэн тоглож байгаа ба өчигдөр эхний тоглолтоо Бахрейн улсын Аскар багтай тоглож 19:11 харьцаагаар хожсон байгаа. Харин эмэгтэйчүүдийн ангилалд "Улаанбаатар Амазонс" баг маань чансааны 1-т эрэмбэлэгдэн А хэсгийг тэргүүлэн тоглож тэмцээнийг зохион байгуулагч эзэн орны Хенвейру багийг 21:7 харьцаагаар бут ниргэсэн билээ. Манай багуудын тоглолтын бичлэгийг үзэхийг хүсвэл энд дарна уу. 

Харин яг одоо "Архангай Алтан Дорнод" баг Энэтхэг улсын Пунжаб Стийлерс багтай тоглож байна. Өнөөдөр манай багуудын тоглолтын хуваарьтай танилцахыг хүсвэл энд дарна уу. 

Мөн түүнчлэн өнөөдөр манай шилдэг баг болох "Ulaanbaatar MMC Energy" баг Филиппин улсын Манилла хотноо "Manila Challenger" тэмцээнд оролцож бүх өрсөлдөгчөө илт илүүрхэн буулган авлаа. Та уг тоглолтыг үзэж амжаагүй бол энд дарж шууд дамжуулалтын бичлэгийг ухраан нөхөж үзээрэй.