Сагсанбөмбөгийн 16 хүртэлх насны Европын аварга шалгаруулах тэмцээн 33 дахь удаагаа Итали улсын Удине хотноо зохион байгуулагдаж байна.

Европ тивийн хүчирхэг 16 баг дөрвөн хэсэгт хуваагдан өрсөлдөж буй тивийн аварга шалгаруулах тэмцээний финалд Европ тивийн дөрвөн удаагийн аварга Испанийн шигшээ баг, гурван удаагийн аварга Францын шигшээ багууд тунан үлдээд байна. Өнгөрсөн жил мөнгөн медаль хүртсэн Испанийн шигшээ баг энэ жил тав дахь удаагаа түрүүлэх зорилго тавьсан нь тодорхой. Харин Францын шигшээ баг 2017 онд түрүүлсэн ч өнгөрсөн жил хүрэл медалиас мултарсан байдаг. Хоёр багийн хувьд 2011 онд хүрэл медалийн төлөө учраа тааран тоглоход Испанийн шигшээ баг 61:53 онооны харьцаагаар Францыг буулган авч байсан түүхтэй. 

Урьд шөнө хагас шигшээ тоглолтод Францын баг тэмцээнийг зохион байгуулагч эзэн орон болох Италийн шигшээ багийг 73:56 онооны харьцаагаар, Испанийн шигшээ баг ОХУ-ын шигшээ багийг 81:53 онооны харьцаагаар тус тус илт илүүрхэн буулган авч шигшээ тоглолтод шалгараад байгаа юм. 

Франц болон Италийн хагас шигшээ тоглолтыг бүрэн эхээр нь толилуулж байна.