Хятад эдийн засаг, технологи зэрэг олон салбарт хөрөнгө оруулж дэлхийн тэргүүлэх том гүрэн болохоор тэмүүлж байна. Дэлхийн ихэнх улс орнуудтай харилцаа холбоотой ажилладгийн нэг нь Австрали. Гэвч австраличуудын Хятадад итгэх итгэл 15 жилийн хугацаанд хамгийн доод үзүүлэлтдээ хүрчээ.

Гэхдээ үүнд нэг их гутрах хэрэггүй, учир нь австраличууд Америкийн Ерөнхийлөгч Дональд Трампаас илүү Хятадын дарга Си Зиньпинд итгэдэг гэж тинк танк Lowy Institute байгууллагын шинэ судалгаагаар гарчээ. Австраличуудын ердөө 25 хувь нь Америкийн Ерөнхийлөгчид итгэл хүлээлгэдэг гэжээ.

2018 онд хийсэн судалгаанаас 20 хувиар бага буюу Австрали тивийн оршин суугчдын 32 хувь нь Хятадын Засгийн газарт итгэл хүлээлгэдэг гэдгийг энэ оны судалгаа харуулсан байна. Судалгаа хийсэн багийн гишүүн Наташа Кассамын хэлснээр австраличуудын хятадуудад итгэх итгэлцэл богино хугацаанд хурдацтайгаар буурсан нь Бээжин, Канберрагийн эрх баригчдын харилцаа сэвтсэнээс үүдэлтэй гэж үзжээ.

 

 

Өнгөрсөн хоёр жилийн хугацаанд Австралийн улс төр, эдийн засгийн бодлогод Хятадын Засгийн газар хөндлөнгөөс оролцсон тухай ярих болсон. Мөн өмнөд Хятадын тэнгисийн асуудал, дэд бүтцийн сан зэргээс болж Хятадыг сөрөг байдлаар харах иргэдийн тоо нэмэгджээ.

Судалгаанд оролцсон иргэдийн 74 хувь нь эдийн засгаа Хятадаас хэт хараат байна гэж үздэг бол 68 хувь нь Хятадаас хэт их хөрөнгө оруулалт татаж байгаад таагүй ханддаг байна.

 

Эх сурвалж: www.cnn.com

---