Хуульч, судлаач Х.Бат-Ялалт цаг үеийн асуудлаар мэдээлэл хийлээ. Тэрбээр хууль зүйн сайд Ц.Нямдоржид хандаж ил захидал хүргүүлж байгаагаа мэдээлсэн бөгөөд шүүхийн хараат бус байдлын талаар зарим хүмүүс одоо л мэдэж байгаа юм шиг жагсаал цуглаан хийх боллоо гэсэн юм.

“Иргэдийн шударга шүүх” ТББ шүүхийн болон шүүгчийн буруутай үйл ажиллагаанаас болж иргэд хохирсон талаарх 2000 гаруй мэдээллийг 14 жилийн турш ард түмэнд хэлж байна.

Шүүгч илт хууль бус шийдвэр гаргасан тохиолдолд сахилгын арга хэмжээ авахаас биш эрүүгийн хариуцлага хүлээдэггүй. Шүүгчийг шүүх хууль эрх зүйн орчин байхгүй учраас хууль санаачлагч УИХ-ын эрхэм гишүүд шүүгч нарыг шүүх хууль эрх зүйн ач холбогдолтой хуулийн төсөл боловсруулан өргөн мэдүүлээсэй хэмээн хүсэж байна.

“Иргэдийн шударга шүүх” ТББ болон Х.Бат-Ялалт миний бие Хууль зүйн сайд Ц.Нямдоржийг огцортол, шүүхийн тогтолцоо хэзээ эрүүл болох хүртэл тэмцэх болно гэлээ.

Тэрбээр Хууль зүйн сайд Ц.Нямдоржийг ил захидлын хариуд төлбөртэйгээр янз бүрийн телевизүүдэд яриа өгч байхаар надтай халз мэтгэлцэн уулзах хэрэгтэй хэмээв.

 

---