Энэтхэг улсын Химачала Прадеш мужид зорчигч тээврийн автобус хадан хясаа руу унаж 44 зорчигч амиа алдсан тухай мэдээлжээ. Түүнчлэн автобусанд байсан 28 хүн гэмтэж бэртэн эмнэлэгт хүргэгдсэн байна.

Хавцлын хажуугийн зам дээр жижиг тэрэг урсгал сөрөн гарч ирснээс автобус 150 метрийн өндрөөс унасан байна. Автобусанд байсан хохирогчдын ихэнх нь ажил, хичээлээ тараад харьж байсан хүүхэд эмэгтэйчүүд гэдгийг цагдаагийн газраас мэдээлэв.

Ослын шалтгааныг нарийвчлан тодруулахаар албаны хүмүүс ажиллаж байна. Өнгөрсөн дөрөвдүгээр сард зэргэлдээх хотод автобус хадан хясаа руу унаж осолдсоноос болж 15 зорчигч амиа алджээ.

Энэтхэг улсад жил бүр 150,000 иргэн авто ослоос болж амиа алддаг байна.

 

 

Эх сурвалж: www.theguardian.com  

---