Филадельфиа мужид өнгөрсөн шөнө болсон төгсөлтийн үдэшлэг дээр гал нээж нэг хүний амийг бүрэлгэж, долоон хүнийг шархдуулсан этгээд хэргийн газраас зугтжээ. Мужийн цагдаа нар буутай этгээдийг эрэн сурвалжилж байна.

Цагдаагийн комиссар Ричард Россын хэлснээр үдэшлэг дээр 60 орчим хүн байжээ. Хохирогчдын дөрөв нь 15-17 настай өсвөр насны хүүхдүүд байсан тухай мэдээлэв. Тэд ихэвчлэн хөлдөө сумны шарх авсан гэжээ.

Амиа алдсан хохирогч болон бусад шархадсан иргэд насанд хүрсэн байсныг Ричард Росс мэдэгдсэн юм. Уг хэрэгт хэдэн хүн холбоотой болон гэмт этгээд чухам ямар сэдлээр гал нээсэн нь одоогоор тодорхойгүй байна.

 

Эх сурвалж: www.cnn.com

---