3х3 сагсанбөмбөгийн мэргэжлийн "Womens Series League" тэмцээн Италийн Турин хотноо урьд шөнө эхэллээ.
Энэхүү тэмцээнд дэлхийн шилдэг найман баг хоёр хэсэгт хуваагдан өрсөлдөж байгаа ба Монголын эмэгтэй шигшээ баг В хэсэгт Итали, Серб, Ирландын шигшээ багуудтай оржээ. А хэсэгт Франц, Чех, АНУ, Канадын шигшээ багууд багтсан байна. Өчигдөр тэмцээний эхний өдөр манай баг Серб болон Италийн багуудтай тоглож дараах үр дүнг үзүүллээ.
- Монгол 6:14 Серб
- Итали 11:10 Монгол
А хэсгийг тус бүр хоёр хожилтойгоор АНУ, Францийн багууд тэргүүлж байгаа бол В хэсгийг мөн тус бүр хожилтойгоор Серб, Италийн багууд тэргүүлж байна. Өнөөдөр манай баг Улаанбаатарын цагаар 16:00 цагт хэсгийн сүүлийн тоглолт болох Ирландын шигшээ багтай тоглох хуваарьтай байна. Манай сайт уламжлал ёсоор шууд дамжуулан үзүүлэх болно.
