Үсчин, гоо сайхны газрууд хяналтгүй ажиллаж байна гэж өнөөдөр /2019-06-14/ ШӨХТГ-аас мэдээллээ

Хэрэглэгчдээс үсчин, гоо сайхны газрын үйл ажиллагаанд хяналт шалгалт хийх хүсэлт ШӨХТГ-т ирсэн тул түүврийн аргаар таван үсчин, гоо сайхны газарт хяналт шалгалт хийжээ.

Дээрх таван газарт шалгалт хийхэд зөвшөөрөлгүй, гэрээний хугацаа дуусчихсан байсан бөгөөд нийт 12 үсчин мэргэжлийн үнэмлэхгүй тухайн өдөр ажиллаж байсан байна. Мэргэжлийн үнэмлэхтэй эсэхийг лавлахад бүгд гэртээ орхичихсон гэх хариулжээ.

Хамгийн ноцтой асуудал нь дээрх таван үсчин, гоо сайхны газруудад байгуулагдсан цагаас нь МХГ, нийслэлийн Захирагчийн ажлын албанаас нэг ч удаа хяналт шалгалт хийгдээгүй байжээ.

Иймд хяналт шалгалт хийх ёстой газруудад ШӨХТГ-аас үсчин, гоо сайхны газруудын үйл ажиллагааг хянаж байх албан шаардлага хүргүүлэхээр болсон байна.

---