3х3 сагсанбөмбөгийн мэргэжлийн "Womens Series League" тэмцээн Италийн Турин хотноо өнөө шөнө эхэлнэ.
Энэхүү тэмцээнд дэлхийн шилдэг найман баг хоёр хэсэгт хуваагдан өрсөлдөх ба Монголын эмэгтэй шигшээ баг В хэсэгт Итали, Серб, Ирландын шигшээ багуудтай оржээ. А хэсэгт Франц, Чех, АНУ, Канадын шигшээ багууд багтсан байна.
Тоглолтын хуваарь цагийн зөрүүгээс шалтгаалан Улаанбаатарын цагаар шөнө тоглох хуваарьтай байна.
Бас нэгэн баярт мэдээ дуулгахад Монгол Улсын шигшээ багийн өмсгөл 2017 оны ФИБА 3х3 Ази тивийн аварга болсон амжилтаараа Олон Улсын сагсан бөмбөгийн холбооны музейд байршсан байна. Зөвхөн аварга багуудын өмсгөл музейд байршдаг, бидний Монголчууд аваргуудын эгнээнд нэгдэж музейд мөнхөрлөө!
Өнгөрсөн БНХАУ-ын Ченгду Women's Series тэмцээний финалын тоглолтыг толилуулж байна.
