Үерхээд удаагүй шинэхэн хосоо найз эсвэл хамаатнуудтайгаа танилцуулахад энэ үйл явдал өмнө нь давтагдаж байсан юм шиг санагдаж байсан удаа бий юү?

Тэгвэл үүний учрыг судлаачид олжээ. Сэтгэл судлаачдын үзэж байгаагаар хүмүүс өөртэйгээ төстэй зан байдалтай хүмүүсийг сонгох хандлагатай байдаг аж. Тиймээс таны өмнө нь болон одоо байгаа хамтрагчид төстэй байх магадлал өндөр. Нөгөөтэйгүүр таны найзын шинэ хос өмнөхтэй нь адил дургүйг тань хүргэхэд гайхах хэрэггүй гэсэн үг.

Уг судалгааны дүнд хэн хэнтэй тохирч болохыг таамаглаад зогсохгүй харилцааг амжилттай үргэлжлүүлэх боломжтой гэдгийг сэтгэлзүйчид зөвлөж байна. Гэхдээ үргэлж нэг төрлийн зан төлөвтэй хүмүүстэй болздог нь таны харилцаа бүтэлгүйтсээр байгаатай холбоотой байж магадгүй гэж Торонтогийн их сургуулийн эрдэмтэн судалгааг хамтран удирдсан мэргэжилтэн Жеоф МакДональд хэлжээ.

Судалгаанд оролцсон 332 хүн, тэдний өмнөх болоод шинэ хосуудыг 21 асуултаар шинжиж судлахад өөртэйгээ төстэй зан төлөвтэй хүмүүсийг хамтрагчаараа сонгох нь нийтлэг байжээ. Нэг салбарт хамт ажилладаг, мэргэжил нэгтнүүдийн хүрээллээс хамтрагчаа сонгодог нь нөлөөлж болох учир аль болох идэвхтэй, өөр газарт хүнтэй танилцах нь чухал гэж зөвлөсөн байна.

 

Эх сурвалж: www.theguardian.com

---