Шүүхийн ерөнхий зөвлөлийн гишүүнд нэр дэвшигчдийн жагсаалтаас санал хураалт явуулах, санал болгох ажиллагаа яг одоо/17:50/ үргэлжилж байна. Анхан болон давж заалдах шатны шүүхийн шүүгчдийн зөвлөгөөний Тооллогын төв комисс тус тус өчигдөр (2019.06.05) хуралдаж, Шүүхийн ерөнхий зөвлөлийн гишүүнд нэр дэвшигчдийн жагсаалтыг шинэчлэн баталсан байна.

Ингээд анхан шатны шүүхүүдэд 10 нэр дэвшигч, давж заалдах шатны шүүхүүдэд гурван нэр дэвшигчийн жагсаалт хүргүүлжээ. Анх 17 шүүгч Шүүхийн ерөнхий зөвлөлийн гишүүнд нэрээ дэвшүүлсэн бол хоёр нь нэрээ татаад байсан юм. Өнөөдөр тэдэн дундаас  санал хураалтаар нэгийг сонгож Монгол Улсын Ерөнхийлөгчид хүргүүлэх юм. 

Монгол Улсын ерөнхийлөгч санал болгосон нэрийг зөвшөөрвөл батална, зөвшөөрөхгүй бол дахин өөр хүний нэрийг оруулж ирэх ёстой юм. 

---