Олон нийтийн яриад байгаа бүхнийг авч хэлэлцээд дүн шинжилгээ хийсэн. Ажлын хэсгийн эдгээр гишүүд бүгд энэ хуулийн төсөлд үзэл бодлоо хэлж, оролцсон. Ямар нэгэн улс төрийн нам хүчний эрх ашгийг оруулахгүй. Зөвхөн Монгол Улсын 3,2 сая хүн энэ өөрчлөлтийг хийж байгаа гэдгийг онцолъё.
Хүмүүсийн хамгийн их дэмжсэн заалтуудыг хасаагүй. Тухайлбал, давхар дээлийг бүрэн тайлаагүй. Манайх Ерөнхий сайд болон 4 хүртэлх гишүүн давхар дээлтэй байж болохыг зааж өгсөн.
Байгалийн баялагийн хуваарилалтын асуудлаар иргэдээс маш олон санал ирсэн. Үүнийг, Төрөөс байгалийн баялагийг ашиглахдаа тэгш байдал, шударга ёс, тогтворто байдлыг баримтална гэдгийг зааж өгсөн.
УИХ-д төсвийг хянан шалгах түр хороо байгуулах зүйл заалт орсон.

• Ерөнхий сайдыг дуртай цагтаа огцруулах бус УИХ-ын дөрвөн гишүүн санал гаргасан тохиолдолд хэлэлцүүлнэ. Ингэхдээ дараагийн ерөнхий сайдын нэртэй хамт оруулж ирж байх зохицуулалт хийсэн.
• Ерөнхий сайд танхимын гишүүдээ өөрөө бүрдүүлнэ, Ерөнхий сайдыг УИХ-аас томилно. Ингэснээр УИХ-ын эрх мэдлийг нэлээд хязгаарлагдаж, 76 ерөнхий сайдтай юм шиг ажилладаг байдлыг өөрчлөгдөнө.
• Шүүхийн ерөнхий зөвлөл шүүхээ хариуцна. Үүнээс гадна Шүүгчийн хариуцлагын зөвлөлтэй байх боломжийг хангаж өгч байна.
• Нутгийн удирдлагын үндсэн байгууллага нь сум, дүүргийн Иргэдийн хурал байна. Эндээс аймгийн төлөөлөгчдийг сонгодог байх зохицуулалтыг тусгасан. Ингэснээр тус тусдаа сонгууль явахгүй болж байна.
• Харин баг хорооны засаг даргыг сум, дүүргээс сонгодог байна.
• Улс төрийн нам, намын санхүүжилтийг тодорхой зааж өгсөн.
• Төрийн албан хаагчийг хаагчийг эрх баригч солигдохын тоогоор солих тогтолцоог өөрчилсөн.

УИХ-ын ээлжит сонгууль явуулахаас нэг жилийн өмнө хуульд өөрчлөлт оруулахгүй байх заалтыг оруулснаар Сонгууль тогтвортой явах боломж бүрдэнэ гэж үзсэн.
Энэ өөрчлөлтөөр шударга, хараат бус шүүхтэй байх нөхцөл бүрдэнэ. Эрх мэдлийн зөв тэнцвэр бий болно.

Хэзээнээс хэлэлцэж эхлэх вэ?

Ажлын 7 хоног, ажлын 9 хоног завсарлах байдлаар ажиллана. Дундуур нь иргэдийн саналыг сонсоно. Түүнээс биш наадмын өмнө тувт хэлэлцээд дуусгана гэсэн ойлголт байхгүй.

---