Сүхбаатарын талбай тойрсон нийтийн эзэмшлийн талбай, цэцэрлэгүүдийг хувьд шилжүүлж, эзэмшүүлсэн талаар Засгийн газрын хэрэг эрхлэх газрын дарга Л.Оюун-Эрдэнэ мэдэгдсэн. Тэдгээр талбайнуудыг буцааж авч, дээрн ь баригдсан барилга байшингуудыг нураахаа ч онцолсон билээ.

Чухам яг ямар ямар талбай, цэцэрлэгт хүрээлэнгийн талбайг хумсалж, хувьд эзэмшүүлснийг хүргэж байна. 

Газраасаа хумслуулсан нийтийн эзэмшлийн талбай, цэцэрлэгүүд: 

Улаанбаатар банкинд: /НЗД-ын 2012.07.09 А/493-р захирамж/

- МУИС-ийн урд талын "Оюутны талбай"- 0,12 га

- Хөрөнгийн биржийн баруун тал - 0,07 га 

- Асашёорү цэцэрлэгт хүрээлэн - 0,24 га

- Улаанбаатар зочид буудлын урд талын Монгол-Туркийн найрамдал цэцэрлэг -1,08 га

-  УДЭТ-ын урд талын Ю.Цэдэнбалын нэрэмжит талбай – 0,4 га

"Ю Би Констракшн" ХХК-д: /НЗД-ын 2006.05.10 А/216-р захирамж/ 

- Сүхбаатарын талбайн урд тал -2,5 га

"Шинэхэн групп" ХХК-д: 

- Их тэнгэрийн ам -5 га

100 гаруй ААН-д:

- Олон улсын хүүхдийн Найрамдал зуслангийн 3000 гаруй га газрыг хувьд шилжүүлжээ. Энэ мэтээр маш олон нийтийн эзэмшлийн зам, талбай, цэцэрлэгт хүрээлэнгүүдийг хувьчилж, зарж, бусдад эзэмшүүлсэн нь Г.Мөнхбаяр, Э.Бат-үүл, С.Батболд... гээд үе үеийн хотын дарга нарын гарын үсэгт захирамжаар гарсан байх ажээ. "Магадгүй бүр Төрийн ордны газрыг ч бусдад шилжүүлсэн байхыг үгүйсгэхгүй" хэмээн сайд Л.Оюун-Эрдэнэ мэдэгдсэн. 

Энэ бүхэн газрын наймаа хэрхэн цэцэглэж, түүнд тавих хяналт огт байхгүйг харуулна.

 

---