МАН-ын бүлэг өнөөдрийн хурлаараа гурван асуудал хэлэлцжээ. Юун түрүүнд Захиргааны ерөнхий хуульд тавьсан ерөнхийлөгчийн хоригийг хэлэлцээд хүлээж авах боломжгүй гэж үзсэн байна.

Мөн ҮХЦ-ийн гишүүн н.Ганзоригийн бүрэн эрхийн хугацаа дууссантай холбоотойгоор түүний орны хүнийг томилох эсэх асуудлыг хэлэлцжээ. УИХ-ын дарга Г.Занданшатар ЗГХЭГ-ын тэргүүн дэд дарга Г.Баясгалангийн нэрийг санал болгож улмаар бүлэг дэмжсэн байна.

Гуравдугаарт, МАН-ын бүлгээр Сонгуулийн тухай хуулийн асуудлыг хэлэлцжээ. Ажлын хэсгээс гурван өөр сонгуулийг нэг хуулиар явуулах боломжгүй гэж үзсэн байна. Ерөнхийлөгчийн, УИХ-ын сонгууль, Нийслэл сум дүүргийн ИТХ-ын сонгууль тус бүрдээ өөр өөр хуулиар сонгуулиа явуулах өөрчлөлт хийжээ.

Өмнө нь манай улс долоон удаа сонгууль явуулахдаа дөрөвт нь жижиг мажоритараар хийсэн бол гурван удаад нь том мажоритар болон холимог тогттолцоогоор явуулсан байна. Үүн дээр дүгнэлт хийгээд Сонгуулийн хуулийг батлахдаа эрх барьж буй намын талд баталдаг байсан. Тиймээс цаашид ард түмэнд ашигтай байх талаас сонгуулийн хуулиа өөрчилж байгаа ажээ.

Ингэхдээ дөрвөн өөр хувилбар гаргаж ирсэн байна.

1-рт, том мажоритар

2-рт, бүсчилсэн тойрог

3-рт, жижиг мажоритар

4-рт улс нэг тойрог байх хувилбар оруулж ирсэн. Ингээд Монгол улс нэг тойрог байх нь зүйтэй гэдэг шийдвэрт хүрчээ. 76 гишүүн нэг тойргийн системээр ажилах нь зүйтэй гэдэг үүднээс дээрх шийдвэрт хүрсэн байна.

Сонгуулийн тухай хуулийг өөрчлөх ажлын хэсэг улс төрийн 28 нам, төрийн бус байгууллага, төрийн байгууллага/УБЕГ, СЕХ гэх мэт/-ыг оролцуулсан хэд хэдэн удаагийн хурал хийж, 230 гаруй санал ирснийг авч хэлэлцжээ.

Санал өгөх нэг хүн 76 хүнийг дугуйлахгүй, нэг хүнийг дугуйлна. 700 хүн нэр дэвшинэ гэж тооцоход хамгийн олон санал авсан 76 хүн сонгогдох юм. Иргэд сонголтоо хийчихээд инэ гэсэн үг.

Гэхдээ ажлын хэсэг хуулиа хараахан эцэслээгүй байгаа бөгөөд эцэслээд УИХ-аар хэлэлцүүлэх юм. 

---