Дагавар хүүхдүүдээ хэрцгийгээр зодож биед нь хүнд гэмтэл учруулсан ялтан Б.Тодзаяагийн ээж “Б.Тодзаяа багадаа хойд эцэгтээ хэрцгийгээр зодуулдаг байсан гэх мэдээлэл худал” хэмээн хэллээ.

Тэрбээр “Сэтгүүлчид та нар хэт нэг талыг барьж худал мэдээлэл түгээж байна. Миний хүү энэ талаар ямар ч мэдүүлэг өгөөгүй” гэсэн юм. Хохирогч хүүхдүүдийн эмээ Ж “Б.Тодзаяад зодуулсны улмаас миний зээ хөвгүүд болох 4 настай, 6 настай Э нар насан туршдаа сэтгэцийн эмгэгтэй болж хохирсон. Хүүхдүүд маань хаалга тогшихоор айж түгшдэг болсон. Эмээ та намайг битгий орхиорой, надаас битгий холдоорой. Б.Тодзаяа дахиад ирвэл яах юм бэ гэж уйлдаг болсон. Намайг бие засах өрөөнд ороход хаалгыг нь сахиж хүлээдэг болсон. 6 настай хүү маань бал харахаараа айж байгаа. Намайг балаар дахиад хатгавал яах юм бэ гэж уйлаад байхаар нь би хичээлдээ явж хэлж чадахгүй байгаа” гэж хэлээд уйлсан юм.

Баянгол дүүргийн эрүүгийн хэргийн анхан шатны шүүх Б.Тодзаяаг “Хүний эрүүл мэндэд хүнд хохирол санаатай учруулсан, гэмт хэргийг хохирогчийн биеэ хамгаалж чадахгүй, бага насны хүүхэд болохыг мэдсээр байж, гэр бүлийн хүчирхийлэл үйлдэж, бие махбодын сэтгэл санааны шаналал, зовиур үүсгэж”, үйлдсэн гэм буруутайд тооцож, хаалттай хорих ангид 10 жил хорих ял оноосон юм.

 

---