Монгол улсад иргэний нисэх хүчин үүсч хөгжсөний 94 жилийн ой 2019 оны тавдугаар сарын 24-ний өдөр тохиосон. Агаарын тээвэрчдийн баярын өдрийг угтан ИНЕГ-ынхан баяраа тэмдэглэжээ. Баяраас улбаатай архидалтаас болж инженер Б нас барсан харамсалтай хэрэг гарчээ. 

Тус өдөр юу болсон талаар тодруулахад, ИНЕГ баярын өдөр учир ажлын цагийг 13 цагт өндөрлүүлжээ. ИНЕГ-ын Холбоо, навигаци, ажиглалтын албаныхан Гачууртын шар хоолойн аман дахь "Оршил" амралтын газар баяраа тэмдэглэсэн. Баяраа тэмдэглэн, архидан согтуурч байх үеэр ИНЕГ-ын 40 настай, цахилгааны инженер Т нас барсан. Түүний үхлийн шалтгааныг ИНЕГ-ын дарга Л.Бямбасүрэн, Зам, тээвэр хөгжлийн сайд Б.Энх-Амгалан нар нуун дарагдуулж байна. Түүний цаг бусын үхэл гадны нөлөөтэй эсэхийг БЗД-ийн Цагдаагийн гуравдугаар хэсэгт шалгаж байгаа гэж зарим хэвлэлд мэдээлж байгаа юм. 

Харин үүнтэй холбогдуулж, ИНЕГ-аас мэдээлэл хийсэн бөгөөд "Холбоо, навигаци, ажиглалтын албанд инженерээр ажиллаж байсан залуу амралтын өдөр найз нөхдийн хамт амарч яваад ахуйн ослоор амь насаа алдсан харамсалтай явдалд ар гэр, хамт олон нь тун их харамсч, гашуудаж байгаагаа илэрхийлье. Ахуйн энэ золгүй ослыг улс төрийн болон хувийн ашиг сонирхлоор санаатайгаар гуйвуулсан мэдээлэл олон нийтэд тарааж байгаа тул ИНЕГ зарим хэвлэл мэдээллийн байгууллага, хувь хүмүүсийг шалгуулахаар хууль хяналтын байгууллагад хандаж байна" гэжээ. 

Зургийн тайлбар: ИНЕГ-ын дарга Л.Бямбасүрэн тамгаа хүлээн авсны дараа 

---