Японы нийслэл Токиогоос урагш ердөө 21 км-т байдаг Кавасаки хотод 50 настай этгээд хүйтэн зэвсгээр халдлага үйлдсэн хэрэг гарчээ. Гэмт этгээд автобус хүлээж байсан сурагчид руу дайрсан байна.

Халдлагын улмаас багадаа 16 хүн гэмтэж шархдан хоёр хүн амиа алдсаны нэг нь бүрэн дунд сургуулийн сурагч охин байжээ. Сэжигтэн хүүхдүүд рүү дайрсныхаа дараа хүзүү рүүгээ мэс дүрэн амиа бүрэлгэжээ.

 

 

Цагдаагийн газраас халдлага чухам ямар сэдлээр үйлдэгдсэнийг хараахан тогтоогоогүй байгаа юм. Кавасаки хотын гал түймэртэй тэмцэх газраас мягмар гарагийн өглөө 07 цаг 44 минутад яаралтай дуудлага ирсэн ба аврагчдыг очиход олон тооны сурагч шархадсан байжээ.

Хэргийн газарт байсан сургуулийн автобусны жолооч NHK агентлагт ярихдаа сэжигтэн Каритас хувийн сургуулийн ойролцоо автобусандаа суухаар ээлж дараагаа хүлээж жагссан байсан сурагчид руу гэнэт дайрсан гэжээ. Автобусны жолооч бууж ирэн түүн рүү хашгирсан хэмээн ярьсан байна.

 

 

Өөр нэг гэрчийн яриагаар автобусны ойролцоо цусандаа хутгалдсан эрэгтэй хэвтэж байхыг харсан гэжээ. Террорист халдлага, гэнэтийн дайралт төдийлөн гараад байдаггүй харьцангуй тайван орнуудын нэг Япон улсад халдлага гарах үед АНУ-ын Ерөнхийлөгч Дональд Трамп төрийн хэмжээний айлчлал хийж байгаа юм. Тэрээр Америкийн ард түмний нэрийн өмнөөс болсон явдалд эмгэнэл илэрхийлсэн байна.

Одоогоос гурван жилийн өмнө Японд сэтгэцийн өөрчлөлттэй өвчтнүүдийн эмнэлгийн хуучин ажилтан өвчтнүүдийг хутгалж гэмтээсэн хэрэг гарч байсан юм. Мөн 2001 онд Осакагийн ерөнхий болосвролын сургуульд хутгаар зэвсэглэсэн этгээд халдлага үйлдэж найман сурагч амиа алджээ.

 

Эх сурвалж. www.bbc.com

---