Аяллын тойрог: Урлаг судлаач, продюсер Б.Наранзун уригдан оролцсон юм. Тэрбээр аялалдаа дараах зүйлсийг мөрдлөг болгон аялдаг байна. 

 -Тэрбээр таван настай байхдаа Эрхүү хот руу аялж байсан бөгөөд түүнээс хойш гэр бүлээрээ аялах дуртай болжээ.

-Аялал гэдэг бол хүний ухааныг тэлдэг, тэвчээр хатуужил суудаг, самбаа сорьж, мэдлэг шаарддаг. Аялалд явсаар тухайн хувь хүнийг тэлдэг.

-Очсон айлынхаа хойморт залрах дуртай. Улс оронд очоод үнэт зүйл, соёлыг нэгдүгээрт тавьж аялах дуртай. Заавал очиж үзэх ёстой газруудыг судалж үздэг.

-Аяллын хамгийн гоё зүйл бол дэлгүүр хэсэх байдаг. 

-Очсон газрынхаа хамгийн алдартай хоолыг идэхгүйгээр явдаггүй. Францад очоод ямааны бяслаг идсэн. Уг бяслагийн хувьд муухай үнэртэй байсан. Хамгийн зориг гарган гэхдээ дахин идэхгүй ч ирээдүйн хүн төрөлхтний ирээдүйн хоол хүнсний нэг болно гэсэн жоомыг идэж үзсэн.

-Аялалд явахдаа эрүүл мэндийн даатгал заавал хийлгэдэг.

-Аяллын хөтөлбөрөө ерөнхийлөн гаргадаг. Цаг хэмнэхээс гадна нь үр бүтээлтэй, ядрах нь бага байдаг.

-Манай улсын хувьд онгон үзэсгэлэнт байгалиараа жуулчдыг татна гэх ойлголт өөр болсон. Орчин үед хүмүүс өөрийн сонирхлын хүрээнд аялах дуртай. Жишээлбэл зөвхөн тухайн улсад үйлдвэрлэсэн пиво уух, өвөрмөц хоол идэх, шашны аялал жуучлал, түүхэн баримт үзэх болсон. Энэ тал дээр манай улс маркетинг хийх хэрэгтэй байна.

-Аялал гэхээр мөнгөө үрээд ирэх асуудал биш. Гаргасан зардлынхаа хэмжээнд өөртөө үнэт мэдлэг, соёлыг мэдэж сурч ирэх хэрэгтэй.

 

---