Монгол улсын eрөнхийлөгчийн Татварын багц хуулинд тавьсан хоригийг Сангийн сайд ямар ч үндэслэлгүй, судалгаагүй, хуулиа уншиж судлаагүй үйлдэл хэмээн шүүмжилж, хоригийг хүлээн авах боломжгүй хэмээн мэдэгдээд байгаа билээ

Тэгвэл Eрөнхийлөгч уг хуулинд ямар шалтгаанаар хориг тавьсан талаар Eрөнхийлөгчийн зөвлөх Ц.Эрдэнэбатаас тайлбар авлаа.

-Татварын багц хуулин дээр ямар үндэслэлээр хориг тавьсан юм бэ МАН-ын бүлэг хоригийг хүлээн авах боломжгүй гэсэн?

- Маш олон иргэд, ААН-үүдээс санал, гомдол ирсэн. Тухайлбал, МҮХАҮТ-аас ялгаварлан гадуурхсан, өмчийн эрхэд халдсан заалт байгааг дурдсан. Мөн татвар төлөгчдөөс Татварын хуулин дээр хүний эрх зөрчсөн маш олон зүйл, заалт байна гэдгийг онцолсон. Мөн энэ хуулиар дамжуулаад ядуурлыг хэдэн хувиар бууруулах юм, эдийн засагт ямар үр өгөөжтэй байх зэрэг нь маш тодорхойгүй.
Мөн гадны хөрөнгө оруулагчид 20 саяас дээш хөрөнгөтэй хүн гадагш зорчих боломжгүй болж байна. Энэ дээр татварын маргаан гарах магадлал ихтэй. Ийм үeд хөрөнгө оруулагчид монголд орж ирэх боломж хязгаарлагдана гэж үзэж байна. Тиймээс энэ хууль сайн хууль биш гэж үзээд байгаа юм. Мэдээж энэ бүхнийг уншиж судалсны үндсэн дээр хориг тавьж байна.

Энэ хуулийг санаачилсан яамныхан өөрсдөө харин хуулиа ойлгосон эсэхэд би эргэлзэж байна. Өөрсдийнх нь тавьсан тайлбарууд ойлгомжгүй, эргэлзээтэй учир EТГ-аас дахиад нэмэлт тайлбар өгсөн.

Манай эдийн засаг 10 гаруй нэр төрлийн бүтээгдэхүүнээс хамааралтай. Үүнийгээ боловсруулах шаардлагатай. Үүнийг санхүүжүүлэхийн тулд хоёр арга л бий. Зээл авах , санхүүжилт авах. Гэтэл одоогийн хуулинд санхүүжилт татахаасаа илүү зээлийг таатай болгох зүйл заалт тусгасан байна.

Хүчингүй болсон хуулинд хориг тавьсан гээд байгаа шүү дээ?

- Хүчингүй хууль биш юм. Хуулийн нэрийг 2-3 газарт буруу бичсэн. Түүнийг тайлбарлаж хэлсэн...

---