Монголын залуучуудын холбооноос санаачлан 1984 оноос эхлэн жил бүрийн хавар хүүхэд, өсвөр үе, оюутан, залуучууд, насанд хүрэгчид болон ахмадын чөлөөт цагийг зөв соёлтой өнгөрүүлэх,бие бялдар, эрүүл мэнд, хөдөлгөөн, хөгжмийн боловсрол олгож, ёс суртахууны өв тэгш хүмүүжилтэй болгох зорилгоор  “Хаврын баяр” бүжгийн наадмыг зохион байгуулж ирсэн түүхтэй.

Сүүлийн    8 жил зохиогдоогүй тасарсан байсан энэхүү наадмыг энэ онд цэнгээнт бүжиг, үндэсний бүжиг, нийтийн бүжиг, зохиомжит бүжиг гэсэн  төрлүүдээр  өнөөдөр  “Монгол бөхийн өргөө”-нд зохион байгуулж байна.

“Хаврын баяр-2019” XXVIII дахь удаагийн бүжгийн улсын наадамд энэ жил 21 аймаг, нийслэлээс шалгарсан 70 багийн 1300 гаруй бүжигчин оролцож байна.

“Хаврын баяр-2019” наадмын ерөнхий зохион байгуулагч  “Монголын Залуучуудын Холбоо” , хамтрагч байгууллага“ Монголын Бүжгийн Зөвлөл”, “Натурданс продакшн”, Дэмжигч байгууллага ЗГХА Соёл Урлагийн газар, ЗГХА Гэр бүл, Хүүхэд залуучуудын хөгжлийн газар, Нийслэлийн Соёл Урлагийн газар, Монгол бөхийн өргөө, Монголын сурагчдын холбоо хамтран ажиллаж байна.

Тус наадам нь “Цэнгээнт бүжиг” , “Нийтийн цэнгээнт бүжиг” , “Үндэсний бүжиг”, “Хосын тэмцээн” гэсэн төрлүүдээр явагдаж төрөл тус бүрдээ Хаан, Хатаныг шалгаруулах юм.

 

---