Нийслэлийн мэргэжлийн хяналтын газраас Хан-уул дүүргийн нутаг дэвсгэрт үйл ажиллагаа явуулдаг Ерөнхий боловсролын сургууль болон цэцэрлэгүүдэд ардон хэмээх байгалийн цацраг идэвхит хийн хэмжилт шалгалтыг хийж байна.

Өнгөрсөн жил нийслэлийн төвийн зургаан дүүргийн сургууль, цэцэрлэг, музейн барилгуудад байгалийн цацраг идэвхит ардон хийний хэмжилтийг хийхэд ХУД-ийн хэд хэдэн сургууль дахь цацраг идэвхит бодисын хэмжээ хүлцэх хэмжээнээс их байсан тул энэ жил тухайн цэгүүдэд дахин шалгалт хийжээ.

Ардон хий ихтэй анги танхимд удаан хугацаагаар байсан хүн уушгины хорт хавдар тусдаг байна. Дэлхийн эрүүл мэндийн байгууллагаас уушгины хорт хавдар үүсгэдэг шалтгааны нэгдүгээрт тамхи, хоёрдугаар ардон хий байдаг хэмээн тогтоосон тул НМХГ-аас уг шалгалтыг жил бүр хийж, хүлцэх хэмжээнээс давсан байвал нэн даруй бууруулах ажлыг зохион байгуулдаг аж.

Ардон хий нь хүний буруутай үйл ажиллагаанаас болж ихэсдэггүй харин байгалиас ууршин дэгдэж барилгын ан цаваар нэвчин тархдаг гэдгийг мэргэжлийн байгууллагаас хэллээ.

---