Хөдөлмөрийн аюулгүй байдал, эрүүл ахуйн үндэсний чуулган Төрийн ордонд зохион байгуулагдаж байна

"Хөдөлмөрийн аюулгүй байдал, эрүүл мэндийн төв"-ийн дарга М.Даваабатаас зарим мэдээллийг тодрууллаа.

Манай улсад сүүлийн 3 жилийн байдлаар 947 үйллвэрлэлийн осол, хурц хордлого бүртгэгдсэнээс 88 хүн нас баржээ. Харин 2018 онд үйлдвэрлэлийн осол, хурц хордлогын 283 тохиолдол бүртгэгдсэнээс 30 хүн нас баржээ. Нэг онцлох зүйл нь үйлдвэрлэлийн ослоор нас барагсад нь дандаа 24-34 насныхан буюу цэл залуу насныхан байна гэсэн судалгаа гарчээ.

Үйлдвэрлэлийн осол, хурц хордлого нь хөдөлмөрийн аюулгүй байдал хангаж ажиллаагүйгээс үүдэлтэй бөгөөд ихэвчлэн уул уурхай, олборлолтын салбар, зам тээврийн салбарт зонхилон гарсан байна.

Мөн 2018 оны байдлаар мэргэжлээс шалгаалах өвчний хяналтанд 3143 хүн байгаа бөгөөд тухайн онд шинээр 50 хүн бүртгэгджээ. Тэдний 71 хувь нь мөн уул уурхайн салбарт байна. Тиймээс хөдөлмөрийн аюулгүй байдлыг хангаж, үйлдвэрлэлийн ослыг "тэг" болгох шаарлага байгааг энэ салбарынхан онцолж байна.

---