Орчин үед шүдээ цайруулахын тулд иргэд, хэрэглэгчид модны нүүрстэй оог сонгох нь түгээмэл болжээ. Модны нүүрс шүдийг цайруулаад зогсохгүй байгаль орчинд ээлтэй эко, ургамлын гаралтай, химийн найрлагагүй, цэвэр гэх мэт олон давуу талыг үйлдвэрлэгчид санал болгодог. 

Харин шинжлэх ухааны үүднээс тайлбарлавал модны нүүрстэй шүдний оо амны хөндийн эрүүл мэндэд муу гэдгийг эрдэмтэд хэлж байна. Британийн Манчестерын их сургуулийн Шүдний эмчийн сургууль, Лондоны Эзэн хааны коллежийн судлаачид модны нүүрс амны хөндийн эрүүл ахуйд тустай эсэхийг судалж үзжээ. Эрдэмтэд судалгааны дүнд модны нүүрстэй оогоор шүдээ угаах нь маш олон төрлийн эрсдэл дагуулдгыг илрүүлсэн байна.  

Модны нүүрсийг өндөр температурт шатааж будаг толбо арилгагч хийдэг аж. Магадгүй шүд зэрэг аливаа зүйлийн гадаргуу дахь бохирдол өнгөрийг арилгаж болох ч шүдний гадаргууг гэмтээдэг гэж үзжээ. Хэрэв дутуу угаавал амны хөндийн аль нэг хэсэг, жижиг нүхэнд хар саарал өнгийн жижиг хэсгүүд наалдаж үлддэг. Мөн цусанд нэвчвэл хортой байж болзошгүй гэдгийг анхааруулжээ.

Эрдэмтдийн зүгээс модны нүүрстэй оо амны хөндийн эрүүл мэндэд сайн гэдгийг шинжлэх ухааны үндэслэлтэйгээр баталсан нотолгоо байхгүй гэдгийг анхааруулсан байна. Тиймээс та бидний бодож байгаагаас ч үр дүн муутай байж болох юм. 

 

Эх сурвалж: www.qz.com

---