“Maroon 5” хамтлагийн “Moves Like Jagger” дуу та бидний чихэнд хэдий нь танил болсон билээ. Энэ дуунд гардаг Мик Жэггер зүрх судасны хүнд хагалгааны дараа бие нь тэнхэрчээ. 75 настай Жэггер өнгөрсөн сард зүрхний хавхлаг солиулах мэс засалд орсон юм. Тэрээр тэнхрээд удаагүй ч “Techno Fan” дууны аян дээр бүжиглэж буй 22 секундын бичлэгээ цахим сүлжээнд байршуулсан нь шүтэн бишрэгчдийнх нь сэтгэлийг хөдөлгөжээ.

Жэггерийг шүтэн бишрэгчид бичлэгийг үзээд “Браво! Хаан эргээд иржээ” хэмээн сэтгэгдлээ хуваалцсан байна. Түүний охин Жеоржиа Мэй Жэггер “Урагшаа ааваа!” хэмээн урам өгчээ. Rolling Stones хамтлаг дөрөвдүгээр сарын 20-ны өдөр Умард Америкт аялан тоглолтоо хийх ёстой байсан ч Жэггерийн эрүүл мэнд муудсанаас болж хойшлуулсан юм. Нөхцөл байдлаас шалтгаалж аялан тоглолтын товыг дахин зарлахаа шүтэн бишрэгчдэдээ мэдэгджээ. Жэггер үзэгч сонсогчдоос хүлцэл өчиж “тайзан дээр эргэн гарахын тулд бүх чадлаараа хичээх болно” гэсэн юм.

 

 

Эх сурвалж: www.cnn.com

---