Энэ бямба гараг буюу тавдугаар сарын 18-нд хотын төвөөр зам хаана

МУ CONTENT

Шинэ мэдээ

Спорт, Танд хэрэгтэй

Энэ бямба гараг буюу тавдугаар сарын 18-нд хотын төвөөр зам хаана

Энэ бямба гараг буюу тавдугаар сарын 18-нд хотын төвөөр зам хаана

Бүх нийтийн биеийн тамир, спортыг дэмжих зорилгоор жил бүрийн тавдугаар сарын гурав дахь долоо хоногийн бямба гарагийг “Автомашингүй өдөр” болгон тэмдэглэдэг бөгөөд энэ өдөр “Улаанбаатар марафон” олон улсын гүйлтийн тэмцээн зохион явуулдаг уламжлалтай.

“Улаанбаатар марафон-2019” олон улсын гүйлтийн тэмцээн 6 дахь удаагаа зохион байгуулагдаж байгаатай холбогдуулан автомашинтай зорчигчдийн хөдөлгөөнийг өвлийн цагийн хуваарийн дагуу өглөөний 07:00 цагаас оройны 18:00 цаг хүртэл бүрэн хязгаарлах аж. 

Өвлийн цагийн хуваарь

Хөндлөн чиглэлд: Зүүн дөрвөн зам-баруун дөрвөн зам-Бөмбөгөр худалдааны төв

Хойшоо чиглэлд: Гэндэнгийн гудамж-Хүүхдийн урлан бүтээх төвийн зам хооронд замыг хаана. 

Тавдугаар сарын 18-ны өдрийн бямба гарагийн 10:30-18:40 цагийн хооронд гүйлтийн тэмцээн зохион байгуулагдах бөгөөд өглөөний долоон цагаас зам хаагдсаны дараа гүйгчид болон иргэд Сүхбаатарын талбайд 08 цагт цуглана. 09 цаг хүртэл урлаг соёлын арга хэмжээ зохион байгуулах бөгөөд 09 цагаас гүйгчид гараан дээр ирж нээлтэд оролцох хуваарь гаргажээ.

Гүйлт:

42 км болон 21 км-ийн зайд хагас марафон,

10 км, 5 км-ийн зайд иргэдэд зориулсан эрүүл мэдийн гүйлт,

1,5 км-ийн зайд гэр бүлийн болон хөгжлийн бэрхшээлтэй иргэдэд зориулсан богино зайн гүйлт болно.

“Улаанбаатар марафон-2019”-д одоогийн байдлаар 300 шахам гадаадын иргэн оролцохоор мэдүүлгээ ирүүлсэн. Монголын хэт холын марафон гүйлтийн холбоо “Улаанбаатар марафон – 2019” олон улсын гүйлтэд оролцох гадаадын оролцогчдыг бүртгэх, баталгаажуулах, хувиараа оролцохоор онлайнаар бүртгүүлсэн гадаад оролцогчдын бүртгэл, баталгаажуулалтыг зохицуулах, оролцох хуваарь, зам маршруттай танилцуулах, гарааны талбайд хүргэх, энгэрийн дугаар, футболк, малгай, уут, чип зэрэг асуудлыг хариуцах юм байна.

Гүйлтийн бүртгэл бүх дүүргийн биеийн тамир спортын хороо, нийслэлийн биеийн тамир спортын хороо, Олимпийн хороо, Холын зайн марафон гүйлтийн хороон дээр 5-16-ны өдрийг дуустал бүртгэнэ. 



ННБТСХ, Монголын хэт холын марафон гүйлтийн холбоо хамтран улаанбаатар марафон олон улсын гүйлтэд ажиллах шүүгч нарт зориулсан сургалтыг зохион байгуулж байна. Улаанбаатар марафон олон улсын гүйлтийг 150 гаруй зэрэглэлтэй шүүгч ажиллана. Мөн 500 орчим оюутан сайн дураар ажиллах ажээ. 

Санал болгох

0 Сэтгэгдэл

Сэтгэгдэл үлдээх