Энэ сарын 13-ны өдөр БЗД-ийн VII хорооны нутаг дэвсгэр дэх орон сууцны байранд зөвшөөрөлгүй массажны газар ажиллуулж бусдын биеийг үнэлүүлж байна гэсэн мэдээллийн дагуу ЭЦА-аас шалгахад 30 настай эмэгтэй Б гэгч нь 30-31 настай эмэгтэй Н, Б нарын биеийг үнэлүүлж байсныг тогтоожээ. Хэргийг тус дүүргийн цагдаагийн хэлтэс шалгаж эхэлсэн байна. Хуулиараа хүн худалдаалах, биеийг нь үнэлүүлэх, бусад хэлбэрээр бэлгийн мөлжлөг, хүчирхийлэлд оруулах, боолчлох, түүнтэй ижил төстэй нөхцөлд байлгах, эд, эрхтнийг авах, албадан хөдөлмөрлүүлж мөлжих зорилгоор хүч хэрэглэж, хүч хэрэглэхээр заналхийлж, хулгайлж, хууран мэхэлж, итгэл эвдэж, эрх мэдлээ урвуулан ашиглаж, эмзэг байдлыг нь далимдуулж, эсхүл хяналтдаа байлгаж байгаа хүнд төлбөр төлж, хахуульдаж хүнийг эрхшээлдээ оруулан элсүүлсэн, тээвэрлэсэн, орогнуулсан, дамжуулсан, хүлээн авсан бол хоёр жилээс найман жил хүртэл хугацаагаар хорих ял шийтгэнэ гэжээ. Мөн 2 ба түүнээс олон хүнийг худалдаалж, Монгол Улсын хилээр нэвтрүүлж үйлдсэн бол таван жилээс арван хоёр жил хүртэл .хугацаагаар хорих ял шийтгэнэ гэжээ.

---