Жил бүрийн гурав, дөрөв, тавдугаар сард манай орон хачигний идэвхжилт бий болдог. Хачигт хазуулснаас үүдэлтэйгээр ямар эрсдэл бий болдог, түүнээс хэрхэн урьдчилан сэргийлэр талаар ХӨСҮТ-ийн Эрт сэрэмжлүүлэг, хариу арга хэмжээ авах нэгжийн дарга Н.Сувдмаагаас тодруулга авлаа.

Эрт сэрэмжлүүлэг, хариу арга хэмжээ авах нэгжийн дарга Н.Сувдмаа: 

-Хачигт хазуулснаас үүдэлтэйгээр элдэв халдварт өвчин авах, төв мэдрэлийн систем гэмтэх зэрэг ноцтой эрсдэл бий болдог тул урьдчилан сэргийлэхэд онцгой анхаарах хэрэгтэй.

Тухайлбал, уул хаданд алхаж буй хүмүүс тод өнгийн хувцас өмсөх, өөрийнхөө болон хамт яваа хүнийхээ хувцсан дээр хачиг байгаа эсэхийг хоёр цаг тутамд шалгах шаардлагатай. Хэрвээ хачигт хазуулсан тохиолдолд яарч авч болохгүй. Хачгийг эргүүлж, зөв авах хэрэгтэй. Тэгэхгүй бол хачигны шүд хөл арьсанд үлдэж гэмтэл учруулдаг.

Мөн биедээ жижигхэн эмийн сантай явахыг сэрэмжлүүлж байна. Тамединий уусмал, цэнхэр спирттэй хөвөн зэрэг ариутгах бодисыг биедээ авч явж байхыг зөвлөж байна. Хачигт хазуулаад эмчлүүлэхгүй удсанаар төв мэдрэлийн системд гэмтэл үүсэх ноцтой үр дагавартай байдаг” гэв.

 

---