Шотландын нийслэл Эдинбург хот сар бүрийн эхний ням гарагт автозамуудыг хааж “Нээлттэй гудамж” өдөрлөгийг зохион байгуулж байна. Сар бүрийн эхний ням гарагт автозамуудыг хааж авто тээврийн хэрэгслүүдийн хөдөлгөөнийг хязгаарласнаар агаарын бохирдлыг бууруулна гэж үзжээ.

Дэлхийн улс орнуудад зарим хотууд “Нээлттэй гудамж” хөдөлгөөнд нэгдэж түр хугацаагаар автозамуудыг хааж агаарын бохирдлыг бууруулахад хувь нэмрээ оруулж байгаа юм. Эбинбург хот уг санаачилгад нэгдсэн Их Британийн анхны хот болж байна.

Автозамуудыг хаасны дараа бүх нийтийн иог, шатрын тэмцээн, хөгжмийн өдөрлөг зэрэг олон нийтийн эрүүл мэндэд тустай, хотын оршин суугчид амралтаа үр бүтээлтэй өнгөрөөх хэд хэдэн арга хэмжээг хэрэгжүүлжээ. Хотын зөвлөлийн гишүүн Лэсли Макиннес “бид олон улсын арга хэмжээнд зоригтойгоор нэгдсэнээр агаарын чанарыг сайжруулж илүү тав тухтай, аюулгүй орчинг бүрдүүлж байна. Цаг уурын өөрчлөлт оршин буй нийгэмд учирж буй бодит аюул юм” хэмээн ярьжээ.

 

 

Эх сурвалж: www.theguardian.com  

---