АНУ, БНХАУ-ууд худалдааны зөрчлөө арилгахын тулд яриа хэлэлцээр эхлүүлсэн. Гэвч хэлэлцээр удааширсан учраас Америкийн Ерөнхийлөгч Дональд Трамп Хятадын бараа бүтээгдэхүүнд ноогдуулах татварыг 200 тэрбум ам.доллар хүртэл өсгөнө гэж мэдэгдлээ.

Мөн энэ баасан гарагт Хятадын импортын бараанаас авдаг байсан 10 хувийн татвараа 25 хувь болгон нэмж, татваргүй оруулж ирдэг 325 тэрбум ам.долларын бараанд 25 хувийн татвар шинээр тогтооно гэжээ. Трамп “Хоёр орны худалдааны хэлэлцээр үргэлжилж байгаа ч удаан байна. Хятадын тал хэлэлцээрийг дахин авч үзэхийг оролдож байвал бүтэхгүй л болов уу” хэмээн жиргэсэн байна.

2019 он гарангуут АНУ Хятадын бараа бүтээгдэхүүний татварыг нэмэхээ мэдэгдэж байсан ч хэлэлцээр эхэлсэнтэй холбогдуулан хойшлуулсан юм. Энэ долоо хоногт Хятадын Төрийн зөвлөлийн дэд сайд Лю Хэ Вашингтонд айлчилж хэлэлцээрийг түргэсгэхээр төлөвлөж байна. Трампын мэдэгдэл хэлэлцээрийг эцэслэн шийдвэрлэхэд дарамт шахалт үзүүлж байгаа тухай эх сурвалжууд тэмдэглэжээ.

Цагаан ордны эдийн засгийн зөвлөх Ларри Кудлов Fox News-т ярихдаа Ерөнхийлөгчийн жиргээг сануулга хэмээн тайлбарласан байна. Үнэн хэрэгтээ Америк, Хятад дэлхийн хамгийн том зах зээлтэй орнууд учраас худалдааны дайн аль алинд нь хүндээр тусна гэж эдийн засгийн шинжээчид үзэж байгаа юм.

 

Эх сурвалж: www.bbc.com

---