АНУ-ын чинээлэг, олны танил гэр бүлүүд хүүхдүүдээ алдартай их дээд сургуулиудад элсүүлэн суралцуулахын тулд зуучлагч Рик Сингерээр дамжуулан их хэмжээний авлига хээл хахууль өгсөн нь илэрсэн. Хэрэгт холбогдолтой этгээдүүдийн шүүх хурал үргэлжилж Хятадын гэр бүл ч мөн авлига өгсөн болохыг тогтоожээ.

Хятад гэр бүл хүүхдээ Америкийн Стэнфордын их сургуульд суралцуулахын тулд 6,5 сая ам.долларын хахууль өгсөн байна. Тэд охиноо сургуульд элсүүлэхийн тулд Рик Сингерт их хэмжээний мөнгө өгсөн нь үнэн хэрэгтээ бохир мөнгө угаалт байсныг мэдэж байгаа эсэхийг мөрдөн шалгаж байна гэжээ.

Стэнфордын их сургуулиас Рик Сингер болон оюутны ар гэрээс  6,5 сая ам.доллар аваагүй болохыг албан ёсоор мэдэгдсэн байна.

The Key олон улсын байгууллагын захирал Рик Сингер их сургуулиудын дасгалжуулагч, албан тушаалтнуудтай хуйвалдаж хуурамч материал бүрдүүлэн оюутнуудыг элсүүлэн авч байсан нь тогтоогдсон. Энэ хэрэгт Холливудын одод, томоохон групп компаниудын гүйцэтгэх захирлууд, коллежийн дасгалжуулчагчид, шалгалтын комисс зэрэг 50 орчим хүн, найман их дээд сургууль холбогдоод байгаа юм. Эдгээрээс жүжигчин Лори Лафлин зэрэг 17 эцэг эхийг гэм буруугүй гэж Бостоны шүүхээс үзсэн бол бусад 33 эцэг эхийг хамтран хуйвалдсан гэж буруутгажээ.

 

Эх сурвалж: www.cnn.com

---