УИХ-ын чуулганы хуралдаанаар С.Зориг агсны хэргийг шалгах Түр хороон даргаар УИХ-ын гишүүн Ж.Батзанданг томилсон билээ. Түүнээс бид тодруулга авлаа.

-Миний биe С.Зориг агсны хэргийг шалгах Түр хорооны даргаар томилогдлоо. Олон улсын парламeнтийн холбооноос энэ хэрэгтэй холбоотой 50 гаруй зөвлөмж тогтоол ирүүлсэн байдаг. Маш олон хууль, тогтоомж зөрчсөн талаар. Үүнд хариулт өгөх ажлыг зохион байгуулна.

Монгол улсын түүхэнд анх удаа 21 жилийн дараа Түр хороо байгуулж, Монгол улсын парламeнт өөрийн бүтцээрээ энэ хэрэгт анхаарч ажиллах боломж бүрдэж байна. Долоон гишүүн ирэх долоо хоногт хуралдаж Түр хорооны ажлын дүрмээ батална. Уг хэрэг дээр ажилласан мөрдөгч, прокурор, хохирогч нартай уулзахаас ажлаа эхлүүлнэ. Маш нухацтай ажиллах ёстой. Эрүүдэн шүүсэн гэх асуудал ажлын төлөвлгөөнд байж таарна. Ил болсон хэсэгтэй нь танилцана. Прокурор, шүүхтэй нягт хамтран ажиллах болно.

---