2019 оны Голдманы байгаль орчны шагналыг Манай улсаас “Ирвэс хамгаалах сан”-ийн захирал А.Баяржаргал хүртжээ. Голдманы шагнал бол байгаль дэлхийгээ хамгаалах үйлсэд  гарамгай хувь нэмэр оруулсан зүтгэлтнүүдэд олгодог “Ногоон Нобель” гэж алдаршсан, олон улсад хүндтэй шагнал бөгөөд 2007 уг шагналыг “Онги гол хөдөлгөөн”-ий тэргүүн Ц. Мөнхбаяр хүртэж байсан юм.  Ийнхүү манай улсаас хоёр дахь удаагаа “Голдманы эзэн” тодорч байна.

Энэ жил “Ирвэс хамгаалах сан”-ийн захирал А.Баяржаргалтай хамт Либери улсын Альфред Брачел, Македоноос Ана Колови Лисоска, Кукийн арлуудаас Жаклин Эванс, Чили улсын Албано Курамил, АНУ-ын Линда Гарсиа нарын таван хүн хүртжээ.

Ирвэс Хамгаалах сан (ИХС) нь 2007 онд байгуулагдсан бөгөөд дэлхийд нэн ховор ангилалд бүртгэгдсэн цоохор ирвэс түүний идэш тэжээлийг хамгаалах, энэ ажилд нутгийн ард иргэдийг татан оролцуулах зорилгоор ажилладаг.

Мөн дэлхийн байгаль хамгаалах чиглэлээр ажилладаг эрдэмтэн, судлаачид болон Олон Улсын Ирвэс Хамгаалах Сан (ОУИХС) www.snowleopard.org , улс орнуудад энэ чиглэлийн байгууллага, хувь хүмүүсийг нэгтгэн цоохор ирвэс хамгаалахад татан оролцуулахад чиглүүлэн ажилладаг юм.

Голдман Байгаль орчны шагналыг 1989 онд иргэний удирдагчид болох Richard N.Goldman, Rhoda H. Goldman нар байгуулжээ.  2019 оны байдлаар Голдманы шагналын сан 200,000 доллар бөгөөд Голдманы шагналтнууд Сан Франциско, Вашингтон зэрэг хотуудаар 10 өдрийн аялалд оролцож хэвлэлийг бага хуралд хамрагдаж, улс төр, байгаль орчны удирдагчидтай уулздаг байна.

---