МАХН-ын Бага чуулганы дөрөвдүгээр хуралдаан дөрөвдүгээр сарын 20-нд хуралдаж, УИХ-ын сонгуулийн 42 дугаар тойрогт болох нөхөн сонгуульд оролцох эсэхээ хэлэлцэн шийдвэрлэсэн. 

Харин өнөөдөр МАН-ын Бага хурал хуралдаж Хэнтийн нөхөн сонгуульд оролцох шийдвэр гаргалаа. МАХН-ын хувьд намын дарга Н.Энхбаяраа "сойж" байгаа бол МАН-ын хувьд Ерөнхий сайд У.Хүрэлсүх тэргүүтэй тав, зургаан нэр дэвшигч байгаа гэдгийг МАН-ын ерөнхий нарийн бичгийн дарга Д.Амарбаясгалан хэлсэн байна. 

Нам, эвслүүд энэ сарын 30-ны дотор Хэнтийн аймгийн нөхөн сонгуульд оролцохоо СЕХ-д илэрхийлэх хуулийн хугацаатай. Ардчилсан нам ч Хэнтий аймгийн нөхөн сонгуульд оролцоно гэдгээ мэдэгдээд байгаа билээ. 

---