Шри Ланка улсад  улаан өндөгний баяраар террорист халдлага гарч 250 хүн амиа алдсаны дараа эрх баригчид олон нийтийн газар нүүрээ халхалж гивлүүр зүүхийг хориглосон шийдвэр гаргалаа.

Тус улсын Ерөнхийлөгч Майтрупала Сисирсена онцгой байдалд зориулсан хууль гаргаж энэ долоо хоногийн даваа гарагаас эхлэн хоригийг хэрэгжүүлж эхэлж байна.  Исламын шашинтай эмэгтэйчүүд ихэвчлэн гивлүүр, алчуур зүүж нүүрээ халхалдаг уламжлалтай. Гэсэн ч шашны болон гоёл чимэглэлийн аль ч зориулалтаар гивлүүр зүүж болохгүй гэдгийг эрх баригчид анхаарууллаа.

Тансаг зэрэглэлийн зочид буудлууд, сүмүүдэд халдлага гарснаас хойш найм хоног өнгөрсөн хэдий ч Шри Ланкад аюулгүй байдлыг өндөржүүлсэн хэвээр байна. Эрх баригчид исламын хэт даврагсад уг террорист халдлагыг үйлдсэн гэж үзэн олон арван сэжигтнийг баривчлан саатуулсан ч цаана нь мэдэгдэхгүй зэвсэгт этгээдүүд олон үлдсэн гэдгийг мэдэгджээ.  

Шри Ланка улсын 21 сая хүн амын ердөө 10 орчим хувь нь исламын шашинтай ба эдгээрийн маш цөөн хувь нь олон нийтийн газар явахдаа никаб буюу гивлүүрээр нүүр, биеэ халхалдаг байна.

 

Эх сурвалж: www.bbc.com

---