УИХ дахь АН-ын зөвлөлөөс АН-ын зөвлөлийн дарга Д.Эрдэнэбат, УИХ-ын гишүүн, АН-ын дэд дарга Б.Пүрэвдорж нар өнөөдөр мэдээлэл хийлээ.

АН-ын зөвлөлийн дарга Д.Эрдэнэбат:   

-АТГ-ын удирдлагыг өөрчлөх Ерөнхийлөгчөөс өргөн барьсан албан бичгийг манайд танилцуулаагүй учир олонх шийдэх байх. 

УИХ-ын гишүүн Д.Пүрэвдоржоор ахлуулсан ажлын хэсэг "Эрдэнэт" үйлдвэрт ажилласан. "Ocean partners" гэж компани зэсийн баяжмалыг маш олон жил борлуулсан байна. "Эрдэнэт" үйлдвэрт "Жаст" группийн 21 үйлдэл бүртгэгдсэн байна. Эрдэнэтийг бүхэлд нь ярих шаардлагатай. 

УИХ-ын гишүүн Б.Пүрэвдорж: 

-"Ocean partners" гэж компани 1998 оноос хойш 21 жилийн турш "Эрдэнэт" үйлдвэрийн зэсийн баяжмалыг борлуулж байна. 21 жилийн турш 3.2 тэрбум ам.долларын зэс борлуулжээ. Монголын улстөрчидтэй гүн хэлхэлдсэн компани байна. Энэ компани "Стандарт" банктай зээлийг зуучлахад оролцсон. Эхний 50 сая ам.долларыг зуучлахад оролцсон байна. "Стандарт" бол нэр төдий ашиглагдсан банк байна. Арбитрын шүүхээс татгалзаад 40 сая ам.долларыг төлнө гэдэг эрүүл бус зүйл. Бага үнээр дахин таван жил зэсийн баяжмалыг борлуулах гэрээ хийгдсэн байх магадлалтай байна.   

 

 

---