The Avengers цувралын сүүлийн анги өнгөрсөн долоо хоногт нээлтээ хийсэн даруйдаа Box Office-ын хэд хэдэн амжилтыг эвдээд байна. Марвель студийн бүтээл Avengers: Endgame нээлтээ хийснээсээ хойш 1,2 тэрбум ам.долларыг олж түүхэн дээд амжилт тогтоожээ. Дэлхийн нээлтээрээ тэрбум гаруй ам.долларын ашиг олж байсан кино үгүй юм байна.

Цувралын өмнөх анги Avengers: Infinity War өнгөрсөн жил нээлтээ хийгээд 640 сая ам.долларыг олж байжээ. Endgame тав хоногийн хугацаанд хамгийн их ашиг олсон бүрэн хэмжээний кино бүтээлээр дэлхий даяар нэрлэгдээд зогсохгүй АНУ-д ч дээд амжилт тогтоосон байна. Өнгөрсөн амралтын өдрүүдэд Хойд Америкт 350 сая ам.долларын ашиг олжээ. Кино шүүмжлэгч, шинжээчид Endgame дотооддоо 260-300 сая ам.долларын тасалбар худалдана хэмээн таамаглаж байжээ.

Хүн амаараа дэлхийд тэргүүлж буй Хятадад Endgame нээлтээ хийгээд одоогоор 330 сая ам.долларын ашиг орлого цуглуулжээ. Хятадад өмнө нээлтээ хийсэн бүрэн хэмжээний кино ийм хэмжээний ашиг олж байгаагүй юм.

Boxoffice.com сайтын ахлах шинжээч Шаун Роббинс “дэлхийн нийтээрээ бид кино театрын түүхэн үйл явдлын гэрч болцгоож байна” хэмээн мэдэгджээ. Марвель студи өнгөрсөн 10 жилийн хугацаанд Box Office-оос 20 тэрбум ам.долларын ашиг олсон байна.

Avengers: Endgame ашиг орлогоороо түүхэн дээд амжилт тогтоогоод байгаа хэдий ч шүүмжлэгчид киноны үргэлжлэх хугацааг ихээхэн шүүмжилж байгаа юм. Avengers-ын сүүлийн тоглоом гурван цаг үргэлжилдэг ажээ.

 

Эх сурвалж: www.cnn.com

---