Х.ОЮУНБОЛД

Дуучин Луйс Фонси, Ники Жэм, Себастьян Ятра нарын хамтран дуулсан “Despacito” дууныхаа шинэ хувилбарын бичлэгийг “Youtube”дуу хөгжмийн сувагт тавьсан байна. Харин энэ бичлэгийг нь 24 цаг хүрэхгүй хугацаанд үзсэн хүний тоо дөрвөн саяыг давжээ. Ингэснээр энэ дуу нь “Youtube” дуу хөгжмийн сувгаар хамгийн олон хүн үзсэн бичлэг болж байгаа юм.

Дуучдын зүгээс шинэ “Despacito” байх болно гэж амласан энэ дууны сэдвийн нэр нь “Date la vuelta” юм байна. Гэхдээ цацагдсанаасаа хойш амжилтад хүрээд байгаа энэ дууг дуулсан дуучдын шүтэн бишрэгчид нь цахим ертөнцөд сэтгэгдлээ хуваалцаж, дэмжиж байгаагааа илэрхийлсэн бөгөөд тэдний сонсох дуртай дууны нэг болсон гэж бичжээ. Харин зарим хүн энэ дууг шүүмжилсэн, шоолсон сөрөг сэтгэгдэл ч бас бичсэн байна.

2019.4.26 № 87 (6054)

---