Италиас ирсэн профессороор удирдуулсан археологичдын баг Египетийн Асван хотоос 35 хүний мумми буюу занданшуулсан шарил олжээ. Шарилуудыг байрлуулсан бунханг МЭӨ332 оноос МЭ395 оны хооронд буюу Греко-Ромын үед харьяалагдана гэж эрдэмтэд үзэж байна.

Эдгээр мумминууд эрэгтэй болон эмэгтэй хүмүүс, хүүхдүүдийнх байжээ. Археологичид бунхны нэг өрөөнөөс дөрвөн шарил олсон ба бусад 31 хүнийг нэг өрөөнд эд зүйлийн хамт оршуулсан байсан гэж тайлбарлажээ. Бунханд чандар хадгалах сав, цардас бүхий ваар, дал мод зотон даавуугаар хийсэн дамнуурга хадгалдагдан үлдсэн байна.

Ээж болон хүүхдийн шарил сайн хадгалагдсан бол бусад нь багагүй элэгдэж гэмтсэн байсан гэжээ. Мөн баг, хөшөө, будагтай хайрцаг сав, муутуу цаас зэрэг бунхнаас олдсон байна. Асван хотын орчимд 300 бунхан байдаг гэж үздэг ба Египетийн Эртний эдлэлийн яам, Италийн Милан хотын их сургуулийн хамтарсан судлаачдын баг малтлага хийж байгаа юм.

Археологичид уг олдвор нь Асван хотын алдагдсан түүхийг сэргээх тул маш чухал нээлт хэмээн үзэж байна. Энэ хот нь худалдааны гол төв байсан гэж үздэг юм.

 

 

 

Эх сурвалж: www.theguardian.com

---