Аудун гэргий Миатайгаа хамт Норвеги улсын нутаг дэвсгэрт харьяалагддаг Умард мөсөн далайд байдаг Лонгиербин хотод амьдардаг. Тэд дөрвөн хөлтэй 110 хүүхэдтэй гэвэл та гайхаж байна уу? Тиймээ тэд үнэхээр 110 ширхэг хаски нохойг өөрсдийн хүүхдүүд шиг хайрлаж өсгөн, хамт амьдардаг ажээ.

Тэдний гэр дэлхийн хамгийн хойд цэгтэй тун ойрхон. Аудун анх энэ хотод ирээд бүх зүйл уур бухимдалтай санагдаж сэтгэл дундуур байжээ. Харин ноходтой байхад уур бухимдал нь арилж бүх зүйл энгийн сайхан мэт санагддаг болжээ. Ноход бусад шиг уурлаж бухимдахгүй, тэд зөвхөн тоглож наадах дуртай учраас Аудун хоёр жилийн өмнө эхнэртэйгээ хамт нохой үржүүлгийн газар худалдаж авсан байна.

 

 

Энэ газарт нохдоо тэжээхийн зэрэгцээ эрүүл байлгах нь чухал хэмээн тэрээр ярьжээ. Аудуны гэр бүл хаскигаар аялал жуулчлалын бизнес эрхэлж эхэлснээр нохдоо тэжээхэд асуудалгүй болсон гэнэ. Аудуны ярьснаар дэлхийн дулаарлаас болж удахгүй алга болж магадгүй туйлын уур амьсгалд хүмүүс ирж адал явдалд хөтлөгдөх дуртай аж. Далайн эрэгт нарлаж хэвтэх тийм ч сонирхолтой биш шүү дээ.

 

 

 

Эх сурвалж: www.bbc.com

---