Сибирийн Верхоянскийн бүсээс судлаачид 42,000 жил буюу МЭӨ үед амьдарч байсан унаганы хөлдсөн их биеийг олсон байна. Сонирхолтой нь унаганы бие цогцсоос шингэн цус, шээс илэрчээ.

Якутскийн Холбооны их сургууль дахь Арслан зааны музейн захирал Семен Григорьевын хэлснээр унагыг задлан шинжлэхэд бие дэх шингэн нь охь болон хадгалагдан үлдсэн байна. Арслан зааны соёо хайж байсан судлаачид 2018 оны зун Батагайкагийн мөнхийн цэвдэг тогооноос унагыг олжээ. Энд жилийн хамгийн хүйтэн өдөр цельсийн -67,8 градус хүрдэг гэж музейн захирал ярьсан юм.

 

 

Унага эхээс төрөөд хоёр долоо хоногтой байхдаа балчиг намагт шигдэж дараа нь мөнхийн цэвдэг үе эхлэхэд хөлдсөн гэж үзсэн байна. Хөл, их бие нь мурийж тахийж эвдрээгүй ба толгой, хөлийн үс нь бараг тэр чигээрээ хадгалагджээ. Олон арван мянган жилийн тэртээх амьтдын олдвор үс, шингэнээ хадгалсан байх нь тун ховор юм.

Оросын эрдэмтэд Өмнөд Солонгосын Соам Биотехнологийн судалгааны байгууллагатай хамтран унаганаас олдсон шингэн дэх эсийг сэргээхээр ажиллаж байна.

 

 

Эх сурвалж: www.cnn.com

---