Монгол Улсын Засгийн газрын ээлжит хуралдаан 2019 оны 4 дүгээр сарын 17-ны өдөр болж, Хууль сахиулахын их сургуулийг Дотоод хэргийн их сургууль болгож, дүрмийг баталжээ.

Их сургуулийг цогц байдлаар, эрчимтэй хөгжүүлэх нөхцлийг хангах, эрдэм шинжилгээ, сургалт, үйлдвэрлэлийн тогтвортой байдлыг баталгаажуулах, улс төрөөс хараат бус байх боломж олгох, үйл ажиллагааг нь өргөжүүлж улс орны дотоод аюулгүй байдлын асуудалд төвлөрүүлэх үүднээс ийм шийдвэр гаргажээ.

Үүнээс гадна Хууль сахиулахын их сургуулийн бүрэлдэхүүн сургуулиудаас Онцгой байдал, Хил, Эрх зүй, нийгмийн ухааны зэрэг сургуулийн хөтөлбөрүүд хууль сахиулах үйл ажиллагаанд хамаардаггүй бөгөөд төгсөгчид нь хууль сахиулагчаар ажилладаггүй гэж үзсэн байна. 

Тус сургуулийн захирлаар ЦЕГ-ын дарга хошууч генерал Ш.Лхачинжавыг томилсон юм. 

---