TikTok аппликейшн нь дэлхий даяар 500 сая хэрэглэгчтэйгээс 120 сая нь Энэтхэгийн иргэд байдаг. Энэтхэгийн Засгийн газар Хятадаас гаралтай видео апп-ыг хориглох шийдвэр гаргалаа.

Засгийн газрын зүгээс Google, Apple компаниудад хандан TikTok-ыг Энэтхэгийн хэрэглэгчдэд ашиглах зөвшөөрөл олгохгүй байхыг хүссэн байна. Учир нь уг апп-аар дамжуулан насанд хүрэгчдэд зориулсан садар самуун материал хараа хяналтгүй тархаж байгааг эсэргүүцжээ.

Энтхэгийн хөрш Бангладеш улсад TikTok-ыг хэдийнээ хориглосон байгаа бол АНУ-д хууль бусаар насанд хүрээгүй хүүхдүүдээс мэдээлэл цуглуулсан хэрэгт буруутгаж 5.7 сая ам.долларын торгууль ноогдуулсан. Мягмар гарагийн оройн байдлаар Энэтхэгийн хэрэглэгчдийн AppStore-д TikTok татах эрх хэвээрээ байсан бол Google-ын Play Store-оос устгагджээ.

Энэтхэгийн дээд шатны шүүхэд TikTok апп-ыг зохиосон Хятадын ByteDance компани давж заалдаж, гар утасны компаниудад тавьсан хоригийг түдгэлзүүлэхийг хүссэн байна. Шүүгч нар хоригийг чөлөөлөөгүй ч дараагийн шатны шүүх хурал энэ сарын 22-ны өдөр үргэлжилнэ.  

Дэлхийн хамгийн том технологийн зах зээл гэгддэг Энэтхэг улсад Хятадын ByteDance компанийн гаргасан богино хэмжээний  видео апп-тай холбоотой азгүй тохиолдлууд гарсаар байна. Тухайлбал өнгөрсөн ням гарагт 19 настай залуу гар буу ашиглан видео хийж TikTok хуудсандаа байршуулах гэж байгаад найздаа буудуулж амиа алджээ.

 

Эх сурвалж: www.theguardian.com

---